Find a Doctor
 
FDA approved

Það besta er að ég er fullur af krafti og lífsvilja. Ég hef orku til að gera allt sem ég vil.

Hittu Hampus

Við ræddum við Hampus um það hvernig honum tókst að léttast um 50 kíló með AspireAssist. Hér sérðu viðtalið við hann.*

before
Hampus Áður
before
Hampus Eftir

 

Hversu lengi hefur þú verið í yfirþyngd?

Ég var alltaf stórt barn, það er í ættinni. Alltaf á mörkum þess að vera í yfirþyngd, en mjög massaður. Það kom sér vel í hokkí, fótbolta og öðrum íþróttum. Þegar ég hætti í íþróttum eftir endurtekin meiðsli hélt ég áfram að borða sama mat – tánings mat – en var ekki að æfa þannig að ég brenndi engum hitaeiningum. Þá fór ég að þyngjast og á einu sumri þyngdist ég um tæp 30 kíló. Ég stressaðist og lífsstíllinn varð enn verri með slæmu mataræði þar sem ég gaf mér ekki tíma til að elda góðan mat, hreyfði mig ekkert…þyngdist enn meira og allt í einu var ég orðinn tæp 140 kíló. Auðvitað var ég í sjálfsafneitun á þessum tíma.

Reyndir þú einhvern tímann að léttast?

Ég gerði það sem ég gat…mismunandi megrunarkúrar, lághitaeiningakúrar, fór í ræktina, var með einkaþjálfara og hitti lækni sem sagði hvað og hvernig ég ætti að borða. Í eitt skipti var ég 9 mánuði á lághitaeiningafæði og var reglulega í ræktinni en léttist bara um nokkur kíló. Ég eyddi næstum því heilu ári í að gera eins og allir ráðlögðu mér – en það hjálpaði mér ekki. Hvað þá?

Hvað með offituaðgerðir?

Ég hef oft hugsað um magahjáveituaðgerð. Ég var virkilega leiður á að „reyna“ að léttast – án þess að það virkaði. En aukaverkanirnar við aðgerðirnar…áhættan, fylgikvillar, þú þarft að taka pillur daglega það sem eftir er ævinnar…í mínum huga er það ekki mjög „heilbrigt“. Það getur verið rétt val fyrir suma einstaklinga, en það er ekki það sem ég vildi.

Hvað hugsaðir þú þegar þú fréttir af AspireAssist?

Þegar ég las fyrst um magaslönguna fannst mér hún höfða til mín um leið. Þessi aðferð hafði verið notuð um nokkuð langan tíma hjá fólki sem þurfti að fá næringaraðstoð vegna veikinda. Nú var hún hins vegar notuð til að tæma út hitaeiningar í staðinn. Ég hugsaði því með sjálfum mér, „allt í lagi“ – það er komin reynsla á öryggi meðferðarinnar. Á einhvern hátt fannst mér skynsamlegt að tæma út hluta máltíðar. Þú platar heilann – heilinn segir, ég er búinn að borða og er saddur. Þá tæmir þú hluta máltíðarinnar út. Þú gerir engar breytingar á líffærunum og getur lifað eðlilegu lífi. Með þessari aðferð getur þú orðið heilbrigður í stað þess að bara léttast.

Segðu okkur frá þyngdarminnkuninni. Hvað tók það þig langan tíma að sjá árangur?

Ég losnaði við 1,5-2 kg á viku eftir að slangan var komin á sinn stað. Fljótlega fannst mér ég kominn í nógu gott form til að byrja aftur í ræktinni og þá fór ég að léttast um 3 kg á viku næstu mánuðina! Ég einbeitti mér að því að borða hægar og tyggja betur – ekki borða ruslmat – og það hjálpaði mikið til. Nú eru liðnir um 8 mánuðir og ég hef lést um 45 kíló. Ég hef ekki verið jafn grannur frá því í sjöunda bekk! Ég var að hreinsa til í fataskápnum og fann jakka frá því í sjöunda bekk, setti hann á mig – og hann passaði! Það er ótrúlegt.

Hvernig náðir þú þessum árangri?

Ég held að ástæðan fyrir því að mér tókst þetta og hef viðhaldið árangrinum er að ég þarf sjálfur að framkvæma vinnuna. Eftir magahjáveitu eru þér sett líkamleg takmörk – þú getur ekki borðað nema nokkra bita. Með magaslöngunni getur ég borðað eins mikið og ég vil og tæmt síðan hluta út. Það er mitt val. Þar sem slangan sem fer inn í magan er grönn þarf ég að tyggja vel til að geta tæmt út í gegnum hana. Það er svo margt annað jákvætt sem fylgir því að byrja að tyggja vel. Ég borða minni skammta og mér minnst mér ég samt borða meira. Ég er ekki í sömu þörf fyrir sykur og ruslfæði lengur. Hugarfarið hefur breyst og það hefur breytt mér og gerir mér kleyft að vera sú persóna sem ég vil vera. Þetta snýst allt um þetta val – ég hef val.

Sjáðu Hampus ræða árangur sinn með AspireAssist.

Hvað með sjálfa tæminguna? Finnst þér hún vera erfið?

Hún er í raun ekkert vandamál, það er svipað og að þú farir á klósettið „eins og venjulega“! Erfiðast er að setja hana á verkefnalistann, að koma henni inn á meðal annarra daglegra starfa þegar hvað mest er að gera. Eins að muna eftir að tyggja vel og borða hægt þannig að kerfið virki. Það er erfiðasti hlutinn. Ég hef í raun ekkert neikvætt um þessa meðferð að segja. Hún hefur reynst mér vel.

En auðvitað hef ég átt mína erfiðu tíma síðast liðið ár. Í sumar var mikið að gera hjá mér og ég vandaði matarvalið ekki vel – of mikill sykur og ruslfæði. Ég var ennþá að tæma en grunaði að ég væri búinn að þyngjast aftur um rúm 20 kíló. Ég beið í rúman mánuð með að stíga í viktina því ég vildi ekki sjá hvað ég hafði þyngst mikið. Að lokum fór ég á viktina og trúði því ekki. Ég hafði þyngst um hálft kíló. Ég hafði vissulega ekki lést, en heldur ekki þyngst svo mikið. Þarna skildi ég að þessi meðferð myndi takast hjá mér. Hún breytti því hvernig líkami minn og hugur brugðust við bakslagi og ég komst á réttan kjöl aftur án þess að þurfa að byrja á byrjunarreit.

Ertu ennþá að tæma þrisvar daglega?

Í upphafi tæmdi ég þrisvar á dag – morgunmat, hádegismat og kvöldmat. Þegar ég byrjaði að fara í ræktina á morgnana ákvað ég að hætta að tæma eftir morgunmat. Mér fannst ég þurfa hitaeiningarnar til að klára æfingarnar. Fyrir nokkrum mánuðum hætti ég síðan að tæma eftir hádegismat vegna mikils álags í vinnunni. Ég hélt samt áfram að léttast! Nýlega hætti ég síðan að tæma eftir kvöldmat svona tvisvar í viku, t.d. eftir fjölskylduboð eða aðrar samkomur. Ég er einungis nokkrum kílóum frá óskaþyngdinni og þegar ég hef náð henni geri ég ráð fyrir að hætta að tæma. Ég ætla að reyna að lifa „reglulegu“ lífi og hafa stjórn á máltíðunum sjálfur. Þegar ég er sannfærður um að geta viðhaldið þyngdinni langar mig að láta fjarlægja slönguna.

Þyngdartapinu hjá þér má líkja við afrek. Hvað er það besta við það?

Það besta er að mér finnst ég vera á lífi. Ég hef næga orku til að gera allt sem mig langar. Þegar þú ert í offitu er eins og þú gangir um með bakpoka fullan af grjóti allan daginn. Ég hafði ekki orku til að njóta lífsins. Nú er ég heilbrigður og vil geta lifað lífinu. Í Svíþjóð er orðatiltæki sem segir að lífið hefjist þegar þú ert 27 ára. Ég er 27 ára núna og ætla að fara að ferðast til útlanda, nú þegar ég er loksins orðið heilbrigður. Ég get ekki lýst því betur en að ég „sé á lífi“!

**Uppfærsla: Hampus náði óskaþyngdinni sinni þann 4. Nóvember 2015 – 90 kg og hafði þá lést um 50 kíló **

Hverju hefur þú að tapa?

Taktu stjórnina yfir þyngdinni með AspireAssist, afturkræfu aðferðinni til megrunar til langframa.

Aðrar reynslusögur